曼谷萬豪集團酒店 究竟點揀？

曼谷萬豪集團酒店 究竟點揀？

萬豪一共有15間 萬豪集團 酒店

究竟點選擇 每個人都同但離不開

1。價錢   2。質素   3。地點 4。白板

5。白金以上

我就住過哂咁多間 比小小入住既感覺大家參考

 1.Royal Orchid Sheraton Category 4

簡評：依間酒店歷史，我細細個就聽過佢個名，河景配the river city 方便購物，坐酒店既船往返bts 但我唔建議搭的士／call grab 好塞車依頭

白板會員：800hkd 樓下 我會選擇佢整體服務係14間入面前列 景觀好 購物方便 可以用2送1房劵

白金以上：依間用升套房劵可以住到 Executive Suite 依間房我覺得好正 

12000分 淡季住係首選 排名第一選擇 

地點：河邊 主要靠船往返bts 曼谷我一向唔會點搭的士因為太塞車坐到生痔瘡 夜晚附近好多特色酒吧飲野定食野 （唔係黃色酒吧）適合一家大細入住 lounge環境好好

服務：聯絡酒店非常尊重客人要求 唔會hea 答 一check in 就主動介紹酒店有帶房 酒店餐廳就我唔建議食啦好一般

總結：廉價之選首位 800hkd／12500 point 一定揀佢 出入機埸 公路唔係塞車既路線 樓下就已經有個夜市買宵夜好方面

2。 Marriott Surawongse  category 5

簡評：全曼谷最新既萬豪旗下酒店 佢賣點係個泳池 同頂樓酒吧 影相。當然無137 咁靚啦。佢樓下非常近幾間出名食魚翅既餐廳 地點係非常唔就腳

白板會員：1200hkd左右貪新既可以一住，出入主要靠的士宅酒店比較好 去大皇宮 都方便購物 拜神就真係地點一般。

白金以上：我入住期間係新開2個月，都仲比較易升套房，但我就覺得間客一般，無咩驚喜 景觀又麻麻 25000分我唔會揀佢

地點：位於bang rak 無景觀 又唔近bts 地點我覺得比較差去邊都唔方便

服務：lounge 一般 ，食物質素唔錯，感覺無其他酒店咁好。

總結：宅酒店比較適合，地點唔方便，頂樓間酒吧一流，迫得開人潮泳池好靚

 3.Le Meridien Bangkok Category 4

簡評：絕對唔建議 一家大細人士入住 酒店位於 夜市後面個夜市好多黃色夜店又雜

單身男士可以比較開心既，但我就唔建議。

白板：一般900hkd左右，大時大節汁平房佢會係考慮之一 可以用2送1房劵但我唔建議住

白金以上：各方面都唔係各精英會員考慮之列不論地點，房間，早餐 

總結：我唔建議大家一家大細入住，因為比nana 雜，購物 bts 景點都無唯一就係有一個女人街式夜市d野仲要唔平

4。St Regis Bangkok Category 5 

簡評：位於Central World 後面，齊bts 站，各配套係曼谷萬豪集團首選酒店 JoJo / Zuma 都好抵食我個人建議lunch 食zuma dinner食jojo 宅酒店唔出去

白板：任何時間都2500hkd 以上，但值得儲錢住佢

白金以上：都係果句唔係一次過book 幾晚升套房，你唔同時段book完再問升房，一晚一晚咁問係易過一次過問4晚咁，食jojo有折好折，我目標係Caroline Suite ，75晚房劵曼谷首選

服務：唔洗講啦 全球有邊間管家 offer 杯面，三文治係宵夜 買完宵夜主動幫你上碟番熱 

總結：你住左唔會後侮，值得依個價，但有需要翻新設施 spa個價多d promo 就好啦～～ 大時大節同MO一樣好多香港明星 同好多國內人 

5。Renaissance Bangkok Category 4

簡評：地點計一定係全曼谷最方便，但就係依樣野令到佢多人到個lounge 成日坐滿人 但個lounge 又細完全無放假感覺

白板：我當時係用brg ＋ 朋友張2送1 入住2晚 佢1200hkd 左右就合理啦可以用2送1 房劵

白金以上：佢升套房難過登天，佢offer 90％ 係studio 得一種套房有廳仲要係曼谷套房中偏細既一間。

服務：當時夜晚訓教比班big6 人嘈住成晚大叫飲酒又無人理，長期勁多人 

總結：去轉拜神，購物，食野。係好方便既，但你想要有放假feel 無啦，係旺中帶旺 

6。Courtyard Bangkok Category 3

簡評：完全唔明佢定位，category 3 我換royal 好過啦。係地點一流前有st regis 後有waldorf astoria   

白板會員：600hkd 樓下，當年brg 300hkd我先住左一晚 唔值得住。

白金以上：成間酒店得3間套房，仲要得果3間有浴缸 我睇唔到14間入面住既原因 個lounge 係要等位。仲細過萬麗

服務：當時佢話有套房 咁佢帶房開門，一開門個鬼佬仲係度無check out ，之後話無套房我就on xx 係柴房住左一陣。 夜晚7點去左conrad 換左一晚住

總結：要平有four point ，lounge意義唔大因為要排隊等位同無野食唔知佢定位係咩 又唔係特別平

7。W Bangkok Category 4

簡評：酒店好細，早餐唔好食，佢出面間古蹟餐廳反而唔錯附近又有藍象 vogue bar，地點去pier唔近，去bts 又唔近 係正中 返酒店西遊記咁。

白板會員：依家成1500hkd唔值啦，開檔果時我950hkd 入住。用2送1房劵就值既

白金以上會員：佢間Fantastic Suite 住得過 ／WOW Suite 閒日唔難升，想去遊水朋友可以放棄好細個水池唔係泳池 

服務：我覺得好正，當年入往佢安排左兩個職員係房入面，好驚喜 

總結：佢有一個賣點既 因為係勁多台灣 南韓年輕人士，根本係泳池你係可以全日睇靚仔同靚女泳裝live 既選美show 當然就唔好評分啦。仲有唔好住低層佢格音好差朝早比bts聲嘈聲。

  8。The Athenee Hotel Bangkok Category 5

簡評：翻新re brand後，成為我入住曼谷次選，服務係拍得住SR，早餐應該係咁多間中最出色一間，絕對推薦

地點：佢係phloen chit 站，附近就okura 同 conrad，對面就係central embassy 食野好方便

白板會員：1300hkd 左右一定首選 只係category 有點可惜

白金以上會員：唔洗點諗 揀佢。有lounge 地點又好，翻新左又唔貴 27500point 我都會揀佢，升套房又易。

總結：我相信開關後再去曼谷 都係揀佢比較多～～～

 9。JW Marriott Category 5

簡評：曼谷古蹟酒店，無翻新，客房舊，但服務都好好，佢有一個優勢 由機場出發佢後門位置就係公路出口唔洗塞車 旺中帶靜既

地點： nana bts 後面果個位無咁雜我意思係比較下無four point 咁雜

白板會員：1500hkd 左右依個價唔洗考慮啦如果白板

白金以上：佢都係我考慮之中因為佢個lounge 食物質素好高又多野食之餘，樓上steakhouse 都幾好食～～

總結：唔嫌房舊既～ 可以一住因為lounge 幾好食，早餐又唔錯～～去轉芭提雅返曼谷值得住佢因為公路出入路唔塞車

10。Aloft Bangkok 

簡評：大家都明白佢平，唔會點選擇，但有機會要試下住。因為Savvy Suite 係可以升到嫁～

白板會員：500hkd 左右，但都係果句係望住savvy suite 有次我朋友入住佢offer ＋4000baht 就可以入住非常超值

白金會員以上：訂完直接打去要求升savvy suite 因為st regis/ Athenee 都無一種房係天台對出有個露台whirlpool 就算加錢我都覺得值得入住

地點:NANA 站仲要行多10分鐘 係唔太就腳去bts又要行搭的士又塞

總結：要入住就一定望住佢間savvy suite 好值得入住宅＄500＋＄1000 ＝＄1500 我都會揀佢住。估我唔到呢～ 我係寧願揀alof

 11。Four Points by Sheraton Bangkok Category 3

簡評：係nana站附近 單身男士去玩既首選，好雜周街都小姐，酒吧。但好處係佢永遠都個房源穩定 你last mins 出發揀佢都仲係咁上下價錢

白板：700hkd 左右 就ok既起碼好過住萬怡。房較大係前台感覺無class 

白金會員以上：我相信無咩朋友仔揀佢掛～除非用分換啦我未住aloft savvy suite前都會換下佢住既。

總結：一家大細就唔好啦，好嘈又雜。早餐又唔好早去邊都唔太方便，宅唔到酒店

12。Sheraton Grande (Luxury Collection) Cat 5 

簡評：依間係我入住曼谷萬豪集團最後一間既酒店 原因我唔明佢點解咁貴，係個泳池好特別叢林餵蚊feel 同我睇中左佢間rachada suite

白板會員：一家大細非常岩住，因為佢個泳池夠大可以宅一整日酒店 對面又係T21

白金會員以上：我建議盡量去傾果幾間特式套房，值得住唔太大但市中心計好有特色 

總結：柴房／普通套房既話我就唔建議入住無咩特別 又收成1500hkd 我寧願住athenee

13。 Westin Grande Sukhumvit Category 4

簡評：當年T21未開佢已經係度啦～一直聽好多人講服務一流係就係比較舊d 但地點價錢都好合格，但依家有左athenne 就唔揀佢啦

白板會員：1300hkd 左右房多，但比較殘舊。用2送1房劵我都覺得一家大細計會係首選，因為好過住萬麗

白金會員以上：除非住開有感情 或 欣賞T21 依邊area 唔係都係果句揀athenne 價錢差不多

總結：T21 Area 活動我就會揀佢仲有一個原因就係MRT＋BTS 中轉站去邊都方邊。

14。Bangkok Marriott Marquis Category 4

簡評：近2年以黎我入住最多既曼谷，無特別既佢客房／套房全曼谷最多。個lounge 又大。又有outdoor 燒香。

白板會員：＄1000左右 我都一樣推薦 佢間goji食自助餐好平／又抵食。後面有個公園可以跑步 係個泳池就真係弱d

白金會員以上：近2年入住唔特別要求都係升到套房係有一次東盟會議d套房比哂官員搞到我無得住。

總結：唔用腦住套房，就揀佢啦全曼谷最多房既酒店早餐係lounge食。但宅酒店唔係選擇。依間同surawongse m suite 個間隔係一樣

15。Marriott Bangkok sukhumvit

簡評：上次仲係cat 3時候我狂換分住佢 好適合一班朋友＋情侶入住，因為sukhumvit 55條街係勁多餐廳同japan area 好似香港蘇豪區 spa 同 酒吧（真係當地年輕人relax既地方）

白板會員：1000hkd 左右我會一樣推薦入住，因為附近都方便食野同好多正既spa 都係個頭

白金會員以上：佢間套房3尖8角，早餐 好一般。服務有待改善下佢天台酒吧竟然無留位比in house 既客人叫我唔好去。

總結：如果唔去佢個天台酒吧。依區係我最鍾意既。同一班曼谷朋友食野吹水返酒店好方便。