香港萬豪集團 我的Staycation 簡評

 香港總共14間萬豪集團旗下酒店

我會分享一下當12間酒店感受同體驗簡評

我一樣都會從價值 服務 景觀 房間去簡評

餐飲我就唔多分享一來我好少食 二來我唔係專業用家 唔想好似部分忽然Staycation平台去分享外行既野 請見諒

而我一向都唔想長篇大論去分享 好入正題

The Mira Hong Kong

價值：660hkd 如果依個價值去住一間尖沙咀係比較抵，佢地其實都好大方對萬豪會員提供房間升級，但要配合Staycation Package 食埋Whisk Dinner 就係一個好選擇

服務：我覺得都係正常唔會係最高分，普遍入往係無任何提前詢問入往要求，可能管理標準唔同試過夜晚入住當時職員答我同萬豪無任何關係，銷售關係都係關係啦，普遍職員都係有自我風格

景觀：大部分房間都係無景既，但入往就一早知，值得一提酒店燈光好暗夜店既風格，其實比W 更有夜店風格

房間：如果以660hkd 去入往一個標準客房，我一定唔會揀，始終房間偏舊，但值得一提佢spa suite 應該係全港唯一 一間有勁大按摩浴缸 ＋ 桑拿 合一既房間，佢按摩浴缸size 係W WoW Suite更舒服更有格調，全港其中一間我唔住套房都接受既酒店

早餐：因為無包我仲未試過 Sorry

總結：如果660hkd 可以升到spa suite 我係一定要選擇佢我今年都有4晚入住，另外whisk 晚餐非常有質素，味歷住宿及尊享WHISK 晚宴 包兩位早餐 Package $1636 我覺得係抵既。適合挑戰期間既會員試下spa suite ＋whisk 

香港天際萬豪酒店

價值：依間可以先睇半價券＄600hkd ，東涌地鐵站出口有接駁車去荒島，一個字遠，但600hkd 入住，整體服務 感覺 我係欣賞，Experience Dining & Spa Package 包$1600 Dining & Spa Package 我當時入往就係依個plan 依家加左＄300

服務：只係標準萬豪級數，主動都算強眼見其他人晚餐同早餐，都算主動又快手，因為依間係萬豪名牌，check in後係無帶房＋介紹房間我係好注重依間野，因為係咪星級酒店依個係其中一樣比第一次入往客人既感覺。我覺得大部職員都真誠服務 所以我整體都開心 

景觀：酒店一邊望港珠澳大橋香港口岸 而另一邊主機埸，我當時好蠢豬想要海景，其實機埸景比起海景更靚夜晚望到跑到piano keys 見到飛機升降

房間：Executive Suite 我會揀無sea view 望機埸，要海景唔會係揀依個海景，間隔係同喜記一種，無咩特別。

總結：要住唔會因為半價券而住一定係Experience Dining & Spa Package至在係咪同女朋友仔or太太去做spa 定狂食，＄1600 credit 都算好抵玩 駕車人士一定岩 有free parking 依間我會係做港豬淨食首選佢自助餐隻牡丹蝦價值 你食到一打一定回本

香港萬怡酒店（西環）

價值：依刻半價券後都＄550 仲比喜記貴小小，我唔明白定價，恕我唔識欣賞，半價券後＄400我諗揀你都唔會揀沙田衝，因為lounge 服務我覺得係十分好

服務：前台職員主動誠懇，誠懇好重要，因為唔係假，我本人十分欣賞依間酒店整體服務

係lounge 經理會主動出黎同每一位客人寒暄，有禮貌我可以答你RC都無，所以我欣賞佢服務。

景觀：依間就真係天堂定地獄，望海既真係每一間都開揚 另一邊又係望樓。

房間：萬怡你要接受無浴缸 對我係100％大問題，佢套房得3間，好似打大佬咁，要care無既心理準備，所以我心入面過唔到自己，所以我就一次就夠。

早餐：白金會員竟然一定要係lounge 食唔可以係西mo 食，早晨款式就。。。。少選擇。填肚咁

總結：定位上半價券後都要＄550，真係點競爭呢，地點又係好唔就腳，係班職員真係有心既，起碼感覺唔差依點好重要。

香港數碼港艾美酒店

價值：半價券後要＄550同西環萬怡一樣，地理我覺得同skycity差唔多10pm後荒島，但佢晚餐 同早餐算係好食既我當時＋＄1 dinner 都好食～～～

服務：就真係睇邊個接待你，我試過朋友訂做joiner 同自己訂又真係有唔同，當然都係睇當日職員啦，我係滿意當然個別職員真係好好既～～～你呀

景觀：比skycity 海景好出面無野阻擋，一大篇海景，但景觀都大家知正啦唔係貝沙灣唔洗咁q貴啦。

房間：又係套房得3間，睇運氣，唔好抱太大期望係套房，反而premier room 就真係值得住開揚又有靚景，套房計deluxe suite好過bayside premier suite 因為sofa問題 。

總結：艾美唔嫌遠真係唔差，南坊飲茶又唔貴，日本餐廳算抵，重點佢bonvoy asia 無好似其他咁彈出彈入折扣。佢地有offer set hh 比白金以上會員但就唔好太大期望當tea就ok 

香港海洋公園萬豪渡假村（稱為酒店）

價值：無參與半價券，所以就用960hkd 依個價去評價，我唔會否認佢有泳池係一個適合家庭既渡假村，而且係渡假感覺好重。但會員無late check out 16：00 我就好保留，唔會認同

服務：無可否認 其實服務一d 都唔差，我仲覺得係其中一間有心既酒店係香港 但管理 政策上我唔可以認同佢地既做法，畢竟都係海洋公園排頭，當時依間有介紹房間及有帶房，至今我有一個好好印象比佢地。

景觀：deluxe suite 景觀係望住一所著制服既生物學校 唔算係一個景觀 無池景 而executive suite大致上係一樣～～～要去到premier room or premier suite 先有池景。

房間：executive suite 浴缸好有特式一個日式好有深度可以坐既四方浴缸，而deluxe suite 就係一個bedroom 較細但bathroom 較大既房間就係一個圓形咁。

總結：依家未開放lounge，繼續用pier lounge 其實都算ok 唔太差，只係政策上無late check out 話cut 就 cut事實令人反感。但泳池設施重開仍然會係一間適合家庭樂既渡假村。但人多既話我諗我唔會去同人迫。

香港 JW Marriott Hotel 

價值：半價券後＄1200左右，講到明唔可以升套房，所以如果淨係做豬早餐 下午茶  hh既又真係適合去既。就算Eatcation Offer $3068 揀the lounge supper buffet  ＋ jw cafe lunch buffet ＋早餐＋白金會員以上下午茶＋HH 真係港豬咁。價值太高啦 我唔會考慮

服務：大家睇最近唔同website or group review，大家都知道服務係由心出發，主動性，唔係好假咁做比你睇，人係感受到既，但我相信jw熟客應該好warm 好好，只係我地依群人未必係佢地目標對象所以只會提供標準服務。無特別深刻印象，lounge 食物質素高既好食係香港最好食既lounge。

景觀：高層望海既你一定會好開心stay係jw，但如果低層或望山景，乖乖地返房就訓，訓完再食啦，餐飲係好食既，為左食你唔會失望既，泳池如果重開想游水你6am 起身啦～～～

房間：有部分房間有翻新既，都算唔錯，套房又提供寶格麗沐浴用品，又有按摩浴缸事實老牌酒店間隔係比新酒店闊落，所以房間及套房我都係滿意 

總結：JW 一間餐飲一流既酒店 係早餐 HH 下午茶 晚餐各方面都出色，以上就係酒店最大優點，其餘服務方面可能需要成為佢地要求熟客先比體驗佢地應有服務，我相信我就未必係佢心目中既目標客人。

香港萬麗海景酒店

價值：9月份佢地lounge重開，會係我首選，半價券後＄700，只要係海景房／套房我覺得已經值。當然我仍然懷念母親節／父親節package 滿福樓如果bonvoy asia 唔好成日彈出彈入再彈出d 折扣 我相信有更多人作為首選

服務：貴為港島RC頭銜，當然服務出色特別lounge 既員工，肯去用心記得客人姓氏，主動性比較強，好多要求酒店都會盡量配合，管理得非常好，泳池都非常適合一家大細

景觀：當然海景就唔少得啦～～就算房無海景或低層作為白金會員既你去番重開既lounge 欣賞海景都無問題啦～

房間：Superior Suite 我已經好滿足，再上皇朝套房都係一樣無海景浴缸，所以對我無咩分別 ，只要有海景既萬麗海景 依一刻已經係好高質啦

 總結：9月份依刻只有佢lounge 重開，我係首選萬麗海景酒店，當然最好要有海景啦～半價券後＄700高效益既酒店，希望之後有番滿福樓bonvoy 折扣，我一定去支持入住。加上將來若果泳池重開我相信一定爆房。去滿福樓飲茶或食自助餐拎半價房券我相信都唔困難同值得食唔伏

香港喜來登酒店

價值：依個9月天寶閣部分星期 有7折對白金以上會員黎講，飲完茶拎半價房券＄523非常抵玩，唯讀佢lounge未開又有機會住到內景房，咁就入住體驗大打折扣啦。其餘package暫時都睇唔到有好既offer

服務：真係建議前台職員有好大改善空間，始終有唔小人入住後都有同感，前台可以有進步，可以更主動，而樓下入口我理解酒店無拍卡系統電梯上門，安全性較低，要問清楚客人。Lounge 既妹妹其實都好主動同熱情既我當日入住～～～ 整體我都好開心架

景觀：又一天堂與地獄，有海景當然又一超值之選，但如果係內景房，價值就相對較低，跑15night朋友仔其實依間地點，服務 最平均。當然入住都要睇運氣分配房間。

房間：一直都無翻新連usb hub都無，好似有點脫節，都係果句舊既酒店間隔一定闊落，無咁偷位，空間感較大，不論套房or客房無花灑喉 只有定位企缸 我覺得沖涼唔舒服。

總結：以＄523 半價券後去入住，我要求其實唔會太高，有雙早 hh都賺哂果度係TST，食2個早餐價值已經係度啦～～～無任何抱怨 

香港麗思卡爾頓酒店

價值：貴為港女3大酒店 （RC RW K11) 一向都保持4000 既酒店，無論點樣評價，大家心目中既地位都唔會動搖，因為佢叫Ritz Carlton，無論早前lounge 輪米定offer in room dining or 回＄400 晚餐lounge 都一定會支持，始終由＄4000 客房咩都無到＄1526包早餐依個衝擊 一定令佢入住率持續支持，事實我都覺得係好抵，貴為2019年萬豪集團全球3大最高入住率酒店之一，大家一定把握機會去支持。當然去103 cafe 食個lunch 或天龍軒食飯好易超過$500拎券

服務：事實上早知輪米期間，服務係事實有所下降，但回復平靜後，職員係有改善既以我感覺，當然RC HK 部分職員果一種高傲感覺，始終都無改過姐係果一種由心出發親切既感覺，可能我入住小而無啦。

景觀：全港最靚既維港景觀 根本無一間酒店可以同佢比較，所以要比較就用city view 同sea view比較，sea view 姐係西環景當然咁高既海景點都唔會差既而城景你望維港望到麻目既可以試下。

房間：Deluxe Suite 3種景觀既套房，我都唔太鍾意因為無景浴缸好似差d野，要去到Premier Executive Suite 先有張床對正維港景，當然Grand Victoria Harbour View room 都有唔係對到好正景觀，我首選Grand Victoria Harbour View room 係最好選擇

總結：以＄1526 去打卡入住Ritz Carlton 其實無人會講貴，因為佢係Ritz Carlton ，但我覺得欠缺一種誠懇 親切既感覺，簡單形容唔係家囉,而半價券係無CLUB FLOOR 選擇所以最好等會員半價套房包lounge 或者半價券後入住加lounge $1600+10%/2人 或 $1000+10% 1人

 

香港瑞吉酒店

價值:同麗斯卡爾頓一樣平時$4000左右,突然間變$1625左右,頓時成為大家心目中既選擇,連張券既價值都一定咁高,因為St Regis hk 係無參與bonvoy asia 折扣,所以大部份人都傾向去run 飲茶解決餐飲消費,有幸5月當時首個萬豪會員日訂左St Regis Suite $2977, 一嘗瑞吉服務.當然10月後究竟價格會去番咩位無人知,所以依刻出現一房/套難求,9月份仲有$3527 St Regis Suite 

服務:當再次入住瑞吉酒店,一打開門已經等候緊我入住morning welcome back to home mr.0

依種親切既感覺出哂黎,每次出入都可以寒暄關心,我記得當日3號波,落lobby已經有提醒我,每次入住都係in room check in ,每位職員就好似你家人咁親切誠懇關心,你打電話有Request 每次再問多幾次 仲有咩需要,問到我都唔好意思,早餐大家都見過唔少review 同食評,run既職員會耐心介紹每一種食物，記得有次我都要相機食先，佢仲提我親熱食春卷好warm ar.

景觀:依樣事實係瑞吉酒店既劣勢,始終係房間都想開揚d 睇下景,因為一有海景我平時就梗哂.....條頸,當時傅先生設計既房間有格調,而踏實.仲有一個位就係套房浴缸對面大廈係應該欣賞到你浸浴如果你想share.

房間:其實Deluxe room 同Premier Room 都係差唔多,就算一張客廳既相究竟st regis suite or metropolitan suite 你係睇唔出因為都係高低層分別,其實得10幾間套房weekend 就真係唔會滿足到每一個人既~~~ 套房可以in room 食早餐 我試過一次.都幾好 因為懶惰.所以我覺得其實得兩種房就係suite or deluxe 當然你做港督就另計啦~~~

總結:依排太紅~~ 紅到我都要搵日weekday去探下家人 依刻價值$4000 質素用$1600去住 感受同打卡超值啦~~ 疫情後你可能就會忘記佢架啦~Staycation 去一次係必要好好上一堂標準staycation 課程由瑞吉教你何謂服務  

沙田萬怡酒店

價值:任何情況下跑會員你一定搵佢協助 依刻半價券後$325 根本係從未試過Q3 2500+500 Welcome gift 500已經超值.但其實消費$500餐飲 除左自助餐外真係好困難.Staycation 我覺得同佢地好似唔太大關係 同唰房 唰分關係就急切好多

服務:下面果班做細既,有幾位真係非常出色,當然都係睇運,但標準服務你就唔可以太大期望 同一萬怡,西環萬怡我覺得更加好.但價錢事實係超值所以要求相對降低

景觀:如果幸運住到城門河景,已經算好好啦,相反就係工廠景,lounge 上面可以望到沙田馬埸景 樓底高算係好高性價既酒店

客房:Studio suite 有城門河景既浴缸,係酒店最值得住既房型,行政套房 比較難dd 好睇運氣我通常都係即日入住先知有冇好睇緣份

總結:$325 依個價錢汁3000分+ 2個早餐+ hh 白金會員係應該得閒就去,有朋友就邀請佢話自助餐好食,果度多靚女 多靚仔 幫手訂位 沙萬餐飲可以增強免疫力(對自助餐要求) 

 

香港 W 酒店

價值:半價券$1101 係十分之超值,雖然佢無LOUNGE ,但佢比到一個家既感覺我,重點佢Marvelous suite 依家半價後$1700 好抵係我全港最愛既房型

服務:對我黎講真係超哂班服務 我明白每個人都有唔同感覺 始終W宗旨 係令客人每次入住都有驚喜,但我得到係一份溫暖,無咩驚喜 整體The Kitchen 進步緊但改善空間仲好大,前台 loyalty team我就覺得已經超越左W 標準 好多時都盡量滿足你要求 當然除非你唔應機啦 你話係咪最好SR咁又唔係,但就係對黎講有一份溫暖

景觀:佢就比RC 遮左好多海景架啦,西環景 昂船洲景 仲望到既,西鈄既房可以睇到日落 

客房:我個人最愛Marvelous Suite + Cool Corner Room 因為都係浴缸有景 我發覺香港唔係無係唔多好多時要去到P SUITE 對落房型先有......但我係唔鍾意WOW ,Marvelous Suite 我會覺得岩岩好

總結:餐飲都睇到佢地有進步既,起碼早餐有KEEP 住有新野,佢地價格其實一直都好進取諗好多唔同PACKAGE出黎 直頭半價券出現全部人都半價券,我會繼續返屋企~~~~